Azərbaycan Respublika omə prezidentəti səçınədə bəzi partyaon iştirok nibəkan.
Çı Azərbaycan Respublika dıvləti muxalifə partiyaon əcumlə Musavat ım kişvərədə omə prezidentəti səçenədə iştirok nibəkan.
Bə Almaniyku rəsə xəbon əsosi çı Musavat partiya yol Arif Hacili zinə elanış kardə: prezidenti səçıni zəmoni bə i kərə əvəz bey xoto əmə intixabatədə iştirok nibəkamon.
Çı Azərbaycan Xalğ Cəhbə rəis Əli Kərimli həm Feyzbukədə filmon muntəşir karde vasitə təkid kardə: qıləy holədə ki muxalif partiyaon yolə aksiya martə manqədə bərpo bəbe əmmo hukumət ım qırdbımoni vəy qəteyro prezidenti səçıni zəmoni əvəzış kardə.
Azərbaycan Xalğ Cəhbə rəis ım partiya təfrəo bə ozodə səçeni dəvoniye komək karde cəhdon işarəş kardə iyən xəbədotəti dodə ki Azərbaycan Respublikaədə vəziyət bə ıştimaei cəhətiku tepemoni tərəf hərəkət kardedə.
Çimiku bə nav çı YAP partiya icreiyə baxşi sərkatib iyən kişvəri i minə vəziri moavin Əli Əhmədev elanış kardə be ki omə səçınədə həm İlham Əliyev ım partiya namzəde ijən əmə omidvarimon ki cəmaət məxsusən cıvonon deştə intixab bə prezident iyən çəmə partiya muvəffəğiyəton komək bıkun.
Azərbaycan Respublikaədə səçın ğəror be ımsornə sori Oktiyabri 17 bərpo bıbu ki de Əliyevi zu iyən vindemon 6 manğ rə bərbo bəbe.
İntixabati zəmoni əvəz karde çı dıvlət muxalifə partiyaon muxalifəti bois bıə.
