İroni xarıci vəzarətxonə Russiyə Dağıstan Moxtar Respublikadə terroristiyə hadisə məhkumış kardə.

İroni xarıci vəzarətxanə sıxənəvot Russiyə Dağıstan Moxtar Respublika qıləy kelisaədə bıə terroristiyə həmlə məhkumış kardə.

Im terroristiyə hadisədə DAEŞ terroçiyə Vəhabiyə qrupi qıləy uzv de siloh bə kelisadə bıə cəmaəton həmləş kardə ijən 4 nəfəri kıştəş və 5 nəfəri zəxmin kardə.

Bəhram Ğasımi ijən de Dağıstani dıvlət və millət ıştə həmdardi elan kardə və bə doğ vinde ailəon sə bıə səlomtəti votışe.

İroni xarıci vəzarətxanə sıxənəvot ıştə mesajədə əlovəş kardə: de moxtəlif dinon deşmənti karde iyən məzhəbi mığəddəsə vırəonədə beqınohə cəmaəti kışte həmonə qrupon xusiyəte ki bo ıştə nifrət icod əkə dəheştinə bərnoməonro dini və əxloği sərhəddonku rədd bıdən iyən bəştə pəlidə hədəfon rəseyro har curnə cinoyəti təsdiğ kardən.

DAEŞ, Vəhabiyə cinoyətkorə qrup, ım həmlə məsoliyəti ğəbulış kardə.