Erməniston və İroni Esfəhan ostani miyono əloğəon inkişof.
İronədə Ermənistoni səfir votışe: İrəvan de İroni Esfəhan ostani ticari, mədəni və turizm sahədə əloğəon inkişofi tələb kardə.
Bə İrna raporti əsos Artasış Tomaniyan de Esfəhan ostani nımoyişqohon şirkəti modir Əli Yarmuhəmmədiyan vindımon karde votışe: Erməniston İronədə oj bıə muxtəlifə nımoyişqohonədə hozzo peydo karde pidə.
İronədə Ermənistoni səfir bə İron və Ermənistoni taciron miyono şe-omə işorəş kardə və votışe: Erməniston karde bəzne Esfəhanədə çı Erməniyə ticariyə heyəton huzuri zəminə icod bıkə.
Əv dicital texnoloqiya və turizm sahədə həmkarion bo Esfəhan və Ermənistoni əloğəonro mıştərəkə zəminəon zınəş be və ım mıloğati vey əhəmmiyətin hisobış kardə.
Əli Yarmuhəmmədi həm ım vindımonədə votışe: har sor 46 qılə nımoyişqo Esfəhanədə bərpo bıdə ki hamsoyə kişvəri əcumlə Ermənistoniku heyəton hozzo karde bəzne ım nımoyişqo keyfiyəti çok karde bois bəbe.
