Yəmənədə bıə Ərəbistoni cinoyəton məhkum karde xoto Azərbaycan Respublikaədə etıroz aksiyaon.
Azərbaycan Respublika Boku şəhrədə bıə Ərəbistoni sefarətxonə muğabilədə zinə çand 100 nəfər muxtəlif cəmaəton Yəmənədə bıə bə Ali-Səud rejimi cinoyəton dəvomi zidd etıroz karde xoto aksiya bərpo kardən.
Bə İrna raporti əsos ım etıroz aksiyadə iştirok əkəyon Yəməniku dast peqət, məzlumon çəşi arsi ruməkə iyən cinoyəti sə kə şuaron vanq kardən ki polis ğıvvon həmlə iyən əvoni bə yandeje və co karde bino bıə.
Xəbə omə ki çandə etıroz əkəyon həm ım aksiyadə dəstqir bıən.
Səudi Ərəbistoni bombardımoni nəticəku ijən tojə dıvrə cinoyətonədə çandə Yəməni millət ğətliam bıən Səudiyə Ərəbiston de Amerkə himoyəon iyən i bıə milləton təşkilati sukuti sayədə 2015 nə sori Martiku Yəməni milləti bombardımon karde kənoədə əvoni zəmin, dıyo və həvoku mıhosirəş kardə.
Im hərbiyə təcavoz detos bə ısət 13 həzo nəfəri kışte, bə 10 həzo nəfər nezi zəxmin bey iyən çand milyon nəfəri avarəti bois bıə.
Isət de umumi vırəon xərob bey ijən mıhosirə vəziyəti ciddi bey, xorək və dəvo damon vəziyət həm vey dəhşətine anədə ki vey xətərnokə noxəşion ısət Yəmənədə rəvuc peydo kardə.
