AİŞ prezidenti bə SƏ səfər

May 13-də AİŞ prezident Donald Tramp iyən Səudiyə Ərəbıstoni şahzodə Мəhəmməd bin Calmani Ər-Riyadədə strateji iğtisodi həmkoəti barədə sənəd imzo kardəşone.

İmzo kardə sənədon dılədə, tarıxədə ən yolə 142 mld mıdafiyə soziş, NASA de SƏ kosmik aqentəti  həmkoəti, enerqetika və mineral bekarde kontrakton hıstin. SƏ podşoəti bə AİŞ  600 мld dollar sərmoyə təklif bıkoən, Trampi çəvonku 1 trl dollar tələb kardəşe.
Sərmoyə forumədə, SƏ-də Tesla diler mərkəz oj kardə İlon Mask,  BlackRock qrupi rəhbər, Citigroup, IBM və əlidə коmpaniyon sərdoron iştirok kardəşone. SƏ Sərmoyə Vəziri iğtisidiyəti stabil  iyən fond vıjoron inkişofi bo sərmoyə xıvandon xeyr be ğeydış kardə.
АİŞ iyən SƏ de iyəndı ğoym anqılin: SƏ çe AİŞ 100 mld dоllar xəzinə ğiymətinə koğəzon iyən Kuşner fondədə 2 мld dоllari xıvande.  2024-minə sori ticori balans 32 мld dollar, bə AİŞ noə sərmoyə məbləğ 15,3 мld dollari rəsə.
D. Tramp ıştə bə məntəğə səfəri Qətər iyən İƏƏ-də dəvom bəkarde.