İron və Tırkmənıstoni mıştərəkə bəyoniyə; Ruhani Mərv tarixi-məzhəbiyə şəhriku vindemonış kardə.

Aşğabadədə İron və Tırkmənıstoni prezidenton miyono muzakirəon bəpeştə 2 tərəf mıştərəkə bəyoniyədə bə əloğəon inkişof təkid kardən.

Im mıştərəkə bəyoniyədə ğeyd bıə ki bo 2 tərəfi həmkarionro ijən i bıə milləton təşkilat, iğtisodi həmkari təşkilat iyən islimiyə həmkari liqa çərçivədə 2 tərəfi, məntəğə i iyən beynəl xalğiyə əloğəon bəbe de siyasi və votımonon zumand və hevuj bıbu.

Həsən Ruhani və Ğurbanğuli Bərdi Məmədo və Xəzə ya həmonə Kaspi dıyo və parlamentiyə əloğəon barədə həm bə muzakirəon dəvom doe təkid kardən.

İron və Tıkəmenestoni prezidenton ijən bə İron, Tıkəmeneston və Ğəzaxıstani miyono.

3 tərəfiyə osınəro əhəmmiyət və iğtisodi faydon işorə kardən ijən əvışon çı İron, Tıkəmeneston, Ozbəkiston və Omani miyono nəğliyat dəhlizi komil əkə zınəşon bıən ki Hindustani bə ım pro əlovə bey karde bəzne vey komək bıbu.

Əvon Əfğanestanədə bə stabilə sulh vəziyəti icod karde və ım kişvəri bə qıləy əmn və modern məmlekəti əvəz karde təkid kardən ki bəbe de Əfğanestani milləti siyasi, iştimai və iğtisodiyə iradəon əsosi icod bıbu.

Həsən Ruhani və Ğurbanğuli Bərdi məmdo terrorizm və radikalizmi bə beynəl xalğ əmniyyət və sulhi zid qılə təhdid hisob kardən ki 2 tərəfi, məntəğəi iyən qelobal mubarizəon sayədə bəbe məhv bıbu.

Zinə Aşeğabadədə İron və Tıkəmenestoni miyono 13 qılə həmkari muğaviləon imzo bey bəpeştə İroni prezident Tıkəmenestoni bənə İroni dust və bıvə hisob kardə ki 2 tərəf bəbe məntəğə teranzit, enerji, nəğliyat iyən de terrorizm mubarizə barde sahədə de yande çımiku vey istifodə bıkon iyən mıvcud zərfiyəton ğədri bıznon.

Ğurbanğuli Bərdi Məmdo və həm ım vindımonədə bə Tıkəmenestoni ciddi iradəon de İron İslam Respublka əloğəon inkişof doe işorəş kardə iyən votışe: 13 qılə həmkari sənədon imzo karde iyən mıştərəkə bəyoniyə çı İron və Tıkəmenestoni milləton mənafe çərçivədəy və həminə muğaviləon karde bəzne muxtəlif baxşonədə İron və Tıkəmenestoni miyono dustiyətion çımiku vey izofə bekə.

İroni prezident ımruj ıştə bə Tıkəmenestoni səfəri bərnomə oxonə baxşədə Mərv şəhri məzhəbi və tarixi vırəon əcumlə İmom Reza(ə) ğədəmqo, Xıdo Rəsul(s) səhabə ğəbon, İmom Səccad(ə) qiramiyə zoə pokə hərəm, şiəyon 7-nə imomi qıləy məşhur yar və şaqirdon və hac Yusofe Həmədani iyən Səlcuği oxonə podeşoh Soltan Səncəri ğəbonku vindımon və əvoni ziyorət kardə.

Həsən Ruhani təkid kardə ki tarixi cəhətiku ım şəhr vey muhimme iyən bo İronıjonro Mərvə qıləy muğəddəsə şəhre.

İronprezident Tıkəmenestoniku bə Boku səfərış kardə.