Tırkiyə: Zeytuni Xolə nomo hərbi əməliyot de Rusiyə koməki icro bıdə.

Tırkiyə prezidenti məxsus mışovir iddioş kardə: Suriyə şimalədə Tırkiyə hərbi əməliyoton de Rusiyə həmkari və himoyəon əncum bıdə.

Bə Spotnik Aqentiyəti raporti əsos Tırkiyə prezidenti məxsus mışovir İlnur Çubək ıştə tojə mısohibədə bə Tırkiyə median votışe: Furati Sipər iyən Zeytuni Xolə hərbi əməliyaton de Rusiyə himoyə iyən koməkon əncum bıdə.

Əv çı Tırkiyə iyən Rusiyə miyono diplomatik rabiton barədə həm votışe: bo muxalifə kırdon kontorol kardeyro çı Tırkiyə muvəffəğiyəton veyni Rusiyə rol iyən koməkon sayədə bə vıcud omə.

İlnur Çubək təkidış kardə: əqə Rusiyə çı Suriyə həvoiyə sərhəddi oj nıkardə bıə be Tırkiyə hərbion bə Suriyə şimalədə bıə Əlbab və Əfrin varid bey imkonışon nıbe.

Bə Suriyə Kırdon zidd çı Tırkiyə zeytuni xolə nomo bıə hərbiyə əməliyat yanvari 20-nə rujiku Suriyə şimal ğərb Əfrinədə bino be iyən ısət de Suriyə məsələn Ozod Ərtışi koməkon Tırkiyə tərəfo ışğal bıə.

Suriyə dıvlət vey kərə ım əməliyati iyən Suriyə zəminədə Tırkiyə zuzuri məhkumış kardə.