Bokuədə bıə umuj nıqıniyə təşkilati kənoədə İroni xarıci vəziri vindımonon.
Bokuədə bıə umuj nıqeniyə təşkilati kənoədə İroni xarıci vəziri de bəzi kişvəron rəsmi şəxson vindımonış kardə.
Muhəmməd Cəvad Zərif zinə de şimaliku Reyə, Liviya, Əfğanistan, Fələstin, Hindıston, Serbiya və Venesoela xarıci vəziron iyən Suriyə və Koba vığande bıə heyəton rəison həmçınin i bıə milləton təşkilati umumiyə icma rəis vindemon cərəyonədə 2 tərəfi, beynəl xalğ məsələon və umuj nıqinə təşkilati barədə sohbətış kardə.
İroni xarıci vəzir ıştə zinə ruji məxsusə nıtğədə həm bə Fələstinjon həxi oqordoniyə de şərifə Ğudsi paytəxti Fələstin mıstəğil dıvləti icod karde, Ğəzzə tanqə mıhosirə oroxniyə kardə.
Zərif həminə iclosi bəpeştə de Nəxçivan moxtar Respublika rəsmi şəxson dəvəti bo 2 tərəfi iyən məntəğə və beynəl xalğ mıvzoon barədə muzakirə kardero bə ım məntəğə səfərış kardə.
Ğeyd kəmon çı Bokuədə bıə umuj nıqeniyə təşkilati omə iclosi mıvzobə zumandə inkişofi rəseyro beynəl xalğ sahədə sulh və əmniyyəti rəvoc doe ğeyd bıə ki Aprili 5 və 6 bərpo bəbe.
Azərbaycan Respublika miladi 2011-nə soriku bə ım təşkilat izofə be və omə sorədə ım itifaği dıvrəiyə rəis bəbe.
