İron bo ıştə həkiməti iyən tibbi təcrubəon bə Azərbaycan Respublika ovoştoniyero hozzıe.

İroni cihod unnversiteti rəisi de Azərbaycan Respublika səhiyyə vəzir vindemon karde bə İroni hozzı bey həkiməti iyən tibbi təcrubəon bə Azərbaycan Respublika ovoştoniyero təkidış kardə.

İroni cihod unnversiteti rəisi Həmid Reza Təyebi zinə ruji Bokuədə de Azərbaycan Respublika səhiyyə vəzir, Oktay Şirəliyev vindemon karde bə modelin karde, qenetik, besonəti mıolicə karde, sinə xərçənqi mıolicə karde, diabeti zəxmon iyən diabet bədximə zəxmion mıolicə karde, damonə aləfon sahədə fəaliyət karde və qenetiki qəncinə banki icod kardə sahəonədə bə İroni həkiməti və dəvo-damon sahəonədə bıə ğabeliyəton işarəş kardə.

Azərbaycan Respublika səhiyyə vəzir həm ım didorədə bə İroni ğabeliyyəton həkiməti sahədə zərfiyəton işorəş kardə və İroni tibbi mıtəxəsison rə Azərbaycan Respublikadə fəaliyəti bino karde tələbış kardə.

Şirəliyev əlovəş kardə: de İroni cihod unnversiteti həmkarion bino kardeyro Azərbaycan Respublika səhiyyə vəzarətxanə hozzıe ijən karde bəzne i-nə ğədəmədə qıləy noxəşxonə çı İroni mıtəxəsison ixtiyorədə bınə.

Həkiməti və dəvo-damon soxte sahədə İroni İslami Respublika bə nav dəşə kişvəronku qıləynie.