Azərbaycan Respublika xarici koon vəziri de İ bə milləton təşkilati rəisi vindımon.
Azərbaycan Respublika xarici koon vəzir de İ bə milləton təşkilati rəisi Antoniyo Qotereş təşkil doə vindımonədə həmmə məmləkəton tərəfo bə ım təşkilati ğanonon icra karde zərorəti işarəş karde.
Bə İRNA zinə xəbon əsosi Elmar Muhəmmədyarev de Antoniyo Qotereş təşkil doə vindımonədə dınyoədə bıə munağişəon vəy qəteyu iyən çəvon həl kardeyu bə İ bə milləton təşkilati roli ve be işarəş karde və həmmə məmləkəton tərəfo bə ım təşkilati ğanonon icra karde zərurəti həm işarəş karde.
Muhəmmədyarev ım vindımonədə Azərbaycan Respublika devləti fəaliyətonış dəvominə inkişaf iyən ixtisadiyə islahaton hədəfon icra karde barədə bəyonış karde və votışe:ğeyre neftiyə fəaliyəton inkişaf ,məmləkət və məntəğəku bə kənoə planon icra karde,nəğliyat və cənub qaziyə dəhliz enerji plan, Boku bərnamonku bə ixtisadiyə inkişafi rəseyuy.
Elmar Muhəmmədyarev Azərbaycan Respublika və ermənistanı miyonədə bə munağişə işarə və ım munağişə dəvomış məntəğəiyə sulh iyən həmmə cəhətdə məntəğə inkişafiyu ciddiyə təhdidış zınə.
Muhəmmədyarev İ bə milləton təşkilati əmniyət şura ğətnaməş ım munağişə həl kardeyu əsosış zınə və ım munağişə həl kardeyu bə beynəlxalğə həmkarətion inkişaf doe zərurəti işarəş karde.
İ bə milləton təşkilati rəis həm im vindımonədə ım təşkilati de Azərbaycan Respublika həmkarətion əhəmiyəti barədə işarəş karde və dəvominə inkişaf iyən mədəniyəton miyonədə votımonon tərvic kardeyu Boku fəaliyətonku təşəkurış karde.
