Gurcistan, Tırkiyə iyən Azərbaycon Respublika 3 tərəfiyə iclos.

Bo məntəğə iyən dınyo vəziyəti təğib karde iyən əloğəon inkişof doero Gurcistan, Tırkiyə iyən Azərbaycon Respublika miyono 5-nə 3 tərəfiyə iclos zinə Tiflisədə bərpo be.

Bə İrna raporti əsos ım iclosədə ki 5 sor yande bəpeştə pərpo bıdə muxtəlif sahəonədə 3 qılə kiçvəron miyoni mıvcudə zərfiyəton təğib bıə ijən məntəğə və dınyo həmkarion çərçivədə bə 3 tərəfiyə əloğəonku çimiku vey istifodə karde təəkid be.

Im iclosədə Azərbaycan respublika stratejik mutaliəon mərkəzi rəis Fərhad Məmedov bə Boku, Ankarə iyən Tiflisi miyono 3 tərəfiyə əktivə əloğəon inkişofi işorəş kardə iyən votışe: bo 3 tərəfiyə əloğəon çimiku vey inkişof doero dəvardə sorədə vey muhimmə hadisəon şohid bimon.

Gurcistani beynəlxalğ iyən stratejik mutaliəon mərkəzi rəis həm bə Boku, Ankarə iyən Tiflisi miyono 3 tərəfiyə həmkarion inkişof işarəş kardə iyən votışe: əloğəon səviyə bə mıştərikə mənafe əsose ijən de Gurcistan, Tırkiyə iyən Azərbaycon Respublika iştiroki ica bıə planon bo məntəğəro vey yolə fırsəti icod bəkay.