İron və Azərbaycan Respublika miyono mədəniyə əloğəon ziyod bəbe.

Azərbaycan Respublikaədə bıə İroni mədəniyə mışovir İyuni 27 detosə İyuli 1 Boku və Qəncədə İroni mədəniyə haftə dəvoniyeku xəbəş do.

Bə İrna raporti əsos Əsğər Farsi zinə Bokuədə de Azərbaycan Respublika mədəniyət vəziri muavin Ədolət Vəliyev vindemon larde 2 qılə kişvəri mədəniyə əloğəon inkişofi tələb karde kənoədə ım kişvərədə İroni mədəniyə haftə bərnoməon dəvoniyə barədə muzakirəş karde.

2 tərəf ım haftə bərnoməon dəvoniyə İroni-islamiyə rişədorə mədəniyət iyən tarixi bə Azərbaycan Respublika elan kardero qıləy mınosib fırsət hisob kardən ki karde bəzne muxtəlifə sahəonədə əloğəon inkişof və tarixi cəhətiku nığlə həmkarion bois bıbu.

Farsi ijən çı İroni mədəniyət və islamiyə irşad vəziri bə Boku səfər kardeku xəbəş do və votışe: de İroni mədəniyə haftə həmzəman iyən de İroni vəziri bə i co çandə taetr və mosiği hınə qrupon həm bə Azərbaycan Respublika səfər bəkan.