Ğərəboği barədə Azərbaycan Respublika iddio.
Azərbaycan Respublika xarıci vəzarətxanə sıxənəvot Ermənistoni bə Ğərəboğ məntəğə mədəni və cəmiyəti tərkibi əvəz karde mıtəhəmış karde.
Bə İrna raporti əsos Hikmət Haciyev zinə miqranton və avarəon beynəl xalğiyə rujədə ım iddio bəpeştə votışe: Ermənistoni ım siyasət, Ğərəboğədə avarəon oqarde vəy qətə xoto əncom bıə.
Əv əlovəş karde: de beynəl xalğ ğətnoməon icra karde iyən Azəri canqiyə avarəon oqarde, Əğərəboği bohrani həl karde iyən məntəğəsulh imkon bəbe.
Haciyev Azərbaycan Respublika canqi avarəon miğdori 1200000 nəfər elanış karde və votışe:Boku dıvlət detos bə ısət 6 milyard dolar bo avarəon xərcış kardə.
Azərbaycan Respublika və Ermənistoni miyono Ğərəboği davoon 1988 nə-sorədə bino be iyən 1994-nə sori Mayə manqi de otəş basti muğavilə zahirədə sə be, əmmo canq hələ sərhəd iyən cəhbə xəttədə dəvomışe.
Hətto De Avropa həmkari və əmniyyət təşkilati Minsk qrupi vositəçiəti həm hələ ım bıhroni həl əkə roon benəticə mandəy.