İroni mədəniyət və islamiyə irşad vəzir de Azərbaycan Respublika prezident vindemonış karde.

Azərbaycan Respublika prezident Tehron-Boku miyono əloğəon miğdor və keyfiyətiku ıştə rizoyəti elanış karde.

Bə İrib raporti əsos İlham Əliyev zinə Bokuədə de İroni mədəniyət və islamiyə irşad vəzir Sed Əbbas Salehi vindemoni cərəyonədə bə 2 qılə kişvəri miyono əloğəon əliyə soyə və miğdor işorəş karde və votışe: dəvardə 5 sori mıddətədə 2 qılə kişvəri prezidenton 12 kərə de yande vindemon kardəşone ki de çəy və vositə iyən votımonon sayədə ısət 2 qılə məmlekəti həmkarion diplomatikə miğdoriku bə dostanə və bənə bevə bıə əloğəon əvəz bıə.

Əliyev bə Azərbaycan Respublikaədə İroni mədəniyə haftə dəvoniyə işorəş karde və votışe: 2 kişvər vvey mədəni mıştərəkə noğtəon xıvandin və i haftə mıddətdə mədəniyə bərnoməon karde bəzne ım əloğəon inkişofi bois bıbu.

İroni mədəniyət və islamiyə irşad vəzir həm İroni prezidenti səlomi bə İlham Əliyev ərzış karde iyən de diğğət bə zərfiyət iyən viyə mıştərəkə noğtəon mədəniyə həmkarion hevujəti tələbış karde.

İroni mədəniyət və islamiyə irşad vəzir zinə de aliyə heyəti bə ico Azərbaycan Respublikaədə bıə İroni mədəniyə haftə bərnoməonədə iştirok kardero bə Boku varid be.

İroni mədəniyə haftə ımruj Boku və Qəncə şəhronədə bino be və detosə i yoni 1 dəvomış heste.