Bokuədə İroni mədəni və hınə nımoyişqo bino be.

De İroni mədəniyət və islamiyə irşad və Azərbaycan Respublika mədəniyət vəziri ıştirok, Bokuədə İroni mədəni və hınə nımoyişqo oj be.

Im mərasimədə Əbbas Salehi votışe: Azərbaycan Respublika və İroni millət ki dəvardə çand həzo sori mıddətədə ıştə ğəm və çokə hadisəonədə yande kənoədə bən din, məzhəb, tarix və mıştərəkə rəsm-adəton həmonə rabitəon nığləti amil zıneydən ki mədəniyə haftəon dəvoniyə 2 qılə kişvəri miyono nezə əloğəon hevuj karde bois bəbe.

Azərbaycan Respublika mədəniyət vəzir Əbolfəzl Ğarayf həm ım mərasimədə bə 2 qılə kişvəri millət və rəsmi şəxson miyono əloğəon işorəş kardedə ki mədəniyət sahədə həmkarion çı inkişofi bois bəbe.

Əv Boku və Qəncədə İroni mədəniyə haftə çərçivədə jıqonə nımoyişqoon dəvoniyə bə Azərbaycan Respublika hınə və mədəniyəti sahədə aşiğon ailə qıləy hədye zınəş be.

İroni mədəniyət və islamiyə irşad vəzir zinə de aliyə heyəti bə ico Azərbaycan Respublikaədə bıə İroni mədəniyə haftə bərnoməonədə iştirok kardero bə Boku varid be.

İroni mədəniyə haftə Boku və Qəncə şəhronədə bino be və detosə i yoni 1 dəvomış heste.