İron iyən Belarusi miyono sənaye əloğəon muğavilə imzi be.

İroni ticarət, məədən iyən sənaye vəzir həmçınin Belarusi sənaye vəziri muavinon tono sanaye həmkarion muğavilə imzo be.

Bə İrna imrujnə raporti əsos, bə həminə muğavilə əsos ki İroni ticarət, məədən iyən sənaye vəziri muavin Mohsen Salehiniya və Belarusi sənaye vəziri muavin Qenadi Suyderski miyono imzi bəy, 2 tərəf bə sanaye həmkarion inkişof iyən bo əloğəon miğdori ziyod karde təkid kardışone.

İron iyən Belarusi miyono sənaye əloğəon muğavilə 2 qılə kişvəri miyono sənaye mıştərikə kamissiya 2-nə iclosədə imzo bıə.

Rusiyə, Ukrayniya, polşa iyən Litva sərhəddonədə bıə Belarus kişvər muxtəlif sənaye, optic, informasiyə texnikon, tibbi təchizot iyən nat kimiya sahəonədə çı Şərği Avropa vey bə inkişof rəsə kişvəronku qıləynie.