Kaspi dıyo hamsoyə kişvəron jurnaliston iclos bərpo bəbe.

İroni islamiyə irşad və mədəniyət vəzarətxanə mətbuat moavin iyən Azərbaycan Respublika mətbuat şura sədr kaspi dıyo hamsoyə kişvəron jurnaliston iclosi dəvoniye barədə təvafuğ kardeşone.

Bə İrna raporti əsos İroni islamiyə irşad və mədəniyət vəzarətxanə mətboat moavin Muhəmməd Soltanifər ki bə Boku səfərış karde de Azərbaycan Respublika mətboat şura sədr Əflaton Amaş əv vindemon karde cərəyonədə votışe: İron omə zəmonədə tojə jurnalistəti barədə ıştə təcrubəon təlimiyə bərnomə və icloson çərçivədə bə Azərbaycan Respublika mətboat fəalon əv bə vıştoniyəe.

Soltanifər ijən bə Azərbaycan Respublikaədə İroni mədəniyə haftə dəvoniyə işorəş karde və Kaspi dıyo hamsoyə kişvəron jurnaliston miyono omə iclosi məntəğə mədəniyə əloğəon inkişofi çərçivədə hisobış karde.

Im iclosi barədə Əflaton Amaş əv həm bə məntəğə əloğəon və həmkarion inkişof işorəş karde.

Azərbaycan Respublika Boku və qəncə şəhronədə İroni mədəniyə haftə detosə maştə dəvomış bəbe.