İroni milliyə orkestr Azərbaycan Respublika Qəncə tarixiyə şəhrədə konsetkış icra karde.

İron İslam Respublika milliyə orkestrı bə dılənıştə sədo Azərbaycan Respublika Qəncə tarixiyə şəhrədə konsertış icra karde.

İron İslam Respublika mədəniyə haftə 3 minnə ruj yəni cumə ruji ironi milliyə orkestr Azərbaycan Respublika Qəncə tarixiyə şəhrədə bərnaməş icra karde.ironi milli orkestri 40 nəfərə qrup de Fereydon Şəhbaziyanı rəhbərəti və Salar Əğili sədo ğəşənqə bərnamonışon icra karde ki ironi hınə və musiği piyəkəson iyən mərasimədə bıəkəson roziətiədə dim bə dim be.

İron İslam Respublika mədəniyət vəzir həm Qəncə tarixiyə şəhri Felanimqo salonədə iştirakış karde və nezico ironi milli orkestri icraş vinde.

İroni mədəniyət vəzir Əbbas Salehi cumə ruji de Azərbaycan Respublika Qəncə ostandar Elmar Vəliyev vindımon və mədəniyə həmkarətion inkişaf doeyu muzakirəşon dəvoni.

fors zıvonə şair həkim Nizami Qəncəvi ğəv iyən imamzadə Muhəmməd ibne Bağır(ə) ziyorət karde bə Qəncə tarixiyə şəhr təşkil doə səfərədə ironi mədəniyət vəziri coqlə bərnamonku bə.

İron İslam Respublika mədəniyə haftə 2018 minnə sori iyoni 27 nə soriku Azərbaycan Respublika Boku və Qəncə şəhronədə təşkil bə.