İroniku bə Azərbaycan Respublika dəvo-damon ixrocot ziyod bıə.

İroni səhiyyə vəzir Tehroniku bə Boku dəvo-damon sadir karde miğdori ziyod beyku xəbəş do.

Seyed Həsən Ğazi Zade Haşemi ımruj Bokuədə Azərbaycan Respublika iğtisod vəzir vindemon karde bə 2 qılə kişvəri miyono həmmə sahəonədə bıə çokə əloğə və həmkarion əşorəş karde və votışe: zəminəon hozzo bey bəpeştə İron çımiku vey dəvo-damon bə Azərbaycan Respublika sadir bəkarde.

Əv əlovəş karde: jıqo bə ğərol omimon ki saxtə noxşətion damon karde mırəkkəb əməliyaton əncom doe və sayə xidmətonro İroni təyyebi fəaliyəton Azərbaycan Respublikaədə çımiku vey bıbu.

İroni səhiyə vəzir bə 2 qılə kişvəri prezidenton miyono iradəon və milləton miyono mıştərək noğtəon bo sərmoyəon və texnoloqiya ovıştoniyə təkidış karde.

Ğazi Zade Haşımi zinə de Azərbaycan Respublika səhiyə vəzir Oktay Şir Əliyev və rifoh vəzir sahil Babayev həm vindemon və muzakirəş kardə be.

Əv ğərore ki çandə dəvo-damon iyən təyyebiyə mərkəzonku diyə karde bə kəno de İlham Əliyev həm vindemon bıkə.