Bə Azərbaycan Respublika İroni məhsulon ixrocot ziyod be.

İron və Azərbaycan Respublika ticarət mıştərəkə palata rəis Azərbaycan Respublikaku bə İron məhsulon eksporti 56 faizi kam bey vədə 70 faiz İroniku bə Azərbaycan respublika məhsuli ixrocoti ziyod beyku xəbəş do.

Behruz Pursuleyman ımruj bə İsna aqentiyəti votışe: ımsornə sori marti 21 detos İyuli 21 İroniku bə Azərbaycan Respublika məhsulon ixroc bey miğdori 14 milyon dollar be ki dəvardə sori muğaisədə 70 faiz inkişofi nışo dodə.

İron və Azərbaycan Respublika ticarət mıştərəkə palata rəis təsdiğış karde: vəzni cəhəto həm bə Azərbaycan Respublika İroni məhsulon ixrocot bə 40 həzo ton rəsə ki dəvardə sori muğaisədə 153 faiz inkişofi nışo dodə.

Əv Azərbaycan Respublikaku bə İron məhsulon varid bey barədə həm votışe: həmonə zəmonədə Azərbaycan Respublikaku bə İron məhsulon varid bey bə 3 milyon və 500 həzo dollar rəsə ki 56 faiz kam beyku əlomətdore.

İron və Azərbaycan Respublika miyono 4 qılə sərhədiyə komroq və tranzit terminal heste ki Ostoro qıləy muhimmə komroq çı iğtisodi və turizm əloğəon inkişofi sahədə hisob bedə.