Ermənistoni iminə vəzir: de Azərbaycan Respublika canq karde ehtimol vey ciddiye.

Ermənistoni iminə vəzir zinə ım kişvər və Azərbaycan Respublika miyono canqi bino bey ehtimali vey ciddi zınəş be ijən Russiyəku tələbış karde ki dəştə abzaron vositə məntəğədə daveon vədə mane bıbun.

Bə Fars aqentiyəti raporti əsos Nikol Paşiniyan məntəğədə vəzyəti vey niqəran əkə zınəş be və votışe: Boku hukuməti siyasəton vey ni hucum əkəy.

Çımçiku bə nav Azərbaycan Respublika mudafiə vəzir bə Erməniston nota doe vositə Ğərəboği bohrani rə həl be tələbış karde. 

Qeneral Zakir Həsənev təkidış karde ki əqə ım bohran həl nıbu dışmən çı Azərbaycan Respublika iradə, vətən pərəstəti iyən ərtışi ğudrəti his bəkarde.

Azərbaycan Respublika və Ermənistoni miyono Ğərəboği davoon 1988 nə-sorədə bino be iyən 1994-nə sori Mayə manqi de otəş basti muğavilə zahirədə sə be, əmmo canq hələ sərhəd iyən cəhbə xəttədə dəvomışe.

Hətto De Avropa həmkari və əmniyyət təşkilati Minsk qrupi vositəçiəti həm hələ ım bıhroni həl əkə roon benəticə mandəy.