Ruhani və Əliyevi vindemon.

İron və Azərbaycan Respublika prezidenton bə muxtəlifə sahəonədə 2 tərəfiyə əloğəon inkişof təkid kardeşone.

Bə İrna raporti əsos zinə Ğəzaxıstonədə çı Kaspi dıyo tojə huğuği statusi mıəyyən karde iclosi kənoədə Həsən Ruhani de İlham Əliyev vindımoni cərəyonədə bə İron və Azərbaycan Respublika miyono səmimanə əloğəon iradə işorəş karde və votışe: ımruj həminə iradə sayədə Tehron-Boku miyono həmkarion səviyədə vey inkişofi şohidimon.

Ruhani bə 2 qılə kişvəri miyono mədəni və dini rişədorə rabitəon işorəş karde və votışe: İron və Azərbaycan Respublika miyono əloğəon qıləy hamsuyə bə kəno vey nığl və bənə bıvə kişvərone  İroni prezident ım əloğəon dılədə bə deşmənon problem icodəkə planon işorəş karde və çəvon əsəboniyəti barədə təkidış karde: Tehron və Boku de həmkarion bə inkişofi tərəf barde deşmənon ım xəbisə plani məğlub bəkan.

Azərbaycan Respublika prezident həm bə 2 qılə kişvəri həmmə tərəfinə həmohənqi və həmkarion təkidış karde və votışe: hiç kəs çəmə miyono bevətion xərob karde əzı ni ijən dəvardə 5 sori mıddətədə əloğəon ki stajış ni zumandə iradəon misdağe.

İlhamƏliyev ıştə kişvərri hejo İroni kənoədə mandə kişvər elanış karde və təsdiğ kardışe: Azərbaycan vey kərə bə İroni əleyh Amerkə təsdiğ bıə sanksiyaon məhkumış karde və çəmə həmkari de İron İslam Respublika bə bevəti və beynəl xalğ huğuği əsos be.