Elektrik ixracat sahədə İron və Ermənistoni miyono əloğəon.

İron və Ermənistoni parlemanti dustiyəti qrupi rəis de Ermənistoni milli məclesi rəis vindemon karde Ermənistoniku bə İron elektrik ixracati barədə muzakirəş karde.

Bə İrna raporti əsos Rəməzan Əli Sobhanifər zinə de Ara Baboliyan vindemon karde cərəyonədə votışe: ım sahədə əloğəon bə kəno Meğri ozod ticariyə məntəğə, həmçınin Ermənistonədə çandə ov, vo və həşiku elektrik istisholəkə stansiyaon soxte xoto İron bo həmkarion kamilən hozze.

Sobhanifər bə Erməniston qaz ixracati ziyod karde barədə həm təkidış karde: 2 qılə kişvər bəpe şimal cənub dehliz, bə tarifon əsos ticari əloğəon inkişof və nəğliyat sahədə moliyoti kam karde xoto cəhd bıkon.

Ara Baboliyan həm ım vindemoni vey təsirin zınəş be və votışe: Erməniston və İroni miyono əloğəon hiç faxt məntəğə şərayeti jentonədə nıbe və İron de Avrasiya iğtisodi əloğəon zərfiyət karde bəzne de Erməniston həmkarion hevuj və ziyod bıkə.

İron və Ermənistoni parlemanti dustiyəti qrupi rəis zinə de Ermənistoni enerji vəzir və Ermənistoni parlemantədə İron və Ermənistoni dustiyə heyəti rəis vindemon və muzakirəş karde.