Ermənistoni prezidenti bə Ğərəboğ səfər.

Ermənistoni prezident bə Ğərəboğ səfər karde cərəyonədə de ım məntəğə prezident Bako Sahakiyan vindemon iyən 2 tərəfiyə mıvzoon barədə sohbətış karde.

Bə Niyuz aqentiyəti raporti əsos Xankəndi məntəğədə Bako Sahakiyan təkidış karde ki 1992 sori istiğloli elan bey bəpeştə Ğərəboği sakinon ıştə sərneveşti sohib bıən.

Sahakiyan bə həminə istiğloli royədə Ğərəboği Ermənion qonə xərcon işorəş karde və votışe: bo həminə istiğloli oqəte və zumand karde har siyosət və lozimə ko əncom bədamon. 

Ermənistoni prezident Armen Serkisiyan həm çı Ğərəboğ muxtar Respublika elan karde 27-nə sorqardışi mərosimədə iştirok karde bəpeştə bə Ğərəboği canqi kıştə bıə kəson iyən ım məntəğə istiğloli cərəyonədə ğıbol bıə cəmaəti məxsusə simvoli ehtıromış karde. 

Ermənistoni i-minə vəzir Nikol Paşiniyan həm qıləy bəyoniyə vositə bə Ğərəboği əmniyyəti təmin karde təkidış ka. 

Ğərəboği məntəğə barədə Erməniston və Azərbaycan Respublika konfilikt 1988-nə sorədə bino bıə iyən 1992-nə sorədə bənə hərbiyə dave əvəz be.

Avropa həmkari və əmniyyət təşkilat Minsk qrup vositəçiyəti Ğərəboği konfilikt həl kardeyro hiç foydə nıbıə.