İron və Azərbaycan Respublika mediyaiyə həmkarətion inkişaf.
Bokuədə bıə İron İslam Respublika səfir və Azərbaycan Respublika mətbuat şura uzvon 2 qılə məmləkəti mediyaon zərfiyəton və ğabeliyətonışon təhlil karde.
Bə telerədyo aqentəti xəbon əsosi bokuədə bıə ironi səfir Cəvad Cəhanqirzadə ım iclosədə 2 qılə məmləkəti milləti fikon bə iyandı nez kardeyu bə mətboat və mediyaon rol həmmə cəhətonədə məxsosən ticari və siyasiyə sahonədə muhimmış zınə və ım baxşiku bə himoyə karde işarəş karde.
Bokuədə bıə ironi səfir eyne holədə bə 2 qılə məmləkəti çokə həmkarətion və məntəğədə bıə planon mincumlə şimal-cənub dəhliz işarəş karde və ıştə sıxanon dəvomədə votışe: bəzion 2 qılə dust və hamsuyə məmləkəti miyonədə coəti eğande fikədən, qıləy holədə ki 2 qılə məmləkəti millət və devləti əlağon dılədə bıə eşğ və məhəbətikuy ki həmmişə inkişaf bəkay.
