Mudafiyə sahədə İron və Azərbaycan Respublika miyono əloğəon inkişof.

İroni mudafiyə vəziri təhğiğ iyən sənaye muavin de Azərbaycan Respublika mudafiyə sənaye vəziri muavin videmin karde 2 qılə kişvəri miyono hərbi həmkarion barədə muzakirəş karde.

Bə İrna aqentiyəti raporti əsos, İroni mudafiyə vəziri təhğiğ iyən sənaye muavin Rıza Muzəffəriniya zinə Bokuədə de Azərbaycan Respublika mudafiyə sənaye vəziri muavin Yəhya Musəyev vindemoni cərəyonədə votışe: mudafiyə sənaye beynəl xalğiyə nımayeşqo hərbi sahədə bo 2 qılə kişvəri miyono əloğəon inkişof doe qıləy fırsəte.

İroni mudafiyə vəziri təhğiğ iyən sənaye muavin Rıza Muzəffəriniya ki Bokuədə bıə mudafiyə sənaye beynəl xalğiyə nımayeşqoədə iştirok karde xoto de ali heyəti bə ico bə Azərbaycan Respublika səfərış karde zinə de ım kişvəri mudafiyə sənaye vəzir Zakir Həsənov həm vindemonış karde.

Azərbaycan Respublika mudafiə sənaye 3-nə dıvrə beynəl xalğiyə nımoyişqo 2 ruj çimiku bənav de 28 qılə kişvəron əcumlə İroniku nımoyəndəon iştirok karde Bokuədə bino be.

Im nımoyişqoədə dınyo 200 qılə şirkətonku tojə modernə istihsol bıə zəmini, həvo, dıyo və locestik hərbi təchizaton və imkanaton nımoyiş doə bəy.

İron həm bo i-minə dıvrə iyən 3 qılə palataədə ıştə hərbi mudafiə ğabeliyəti nımoyiş do ki çı Azərbaycan Respublika prezident İlham Əliyevi diğğəti bəştə tərəf cəlbış karde.