İron və Russiyə miyono banki əloğəon hevuj bəbe.

İron və Russiyə mərkəzi bankon rəison tojə vindemonədə bo 2 qılə kişvəri banki sistemon miyono həmkarion inkişofi qıləy plan mıəyyən be.

Bə İrna raporti əsos İroni mərkəzi banki rəis Əbdul Naser Həmməti ki bə Moskva səfərış kardə be zinə de Russiyə mərkəzi banki sədr Elvira Nabiolina vindemonış karde və ticari və maliyə əloğəon barədə sohbətış ka.

Im vindemonədə 2 tərəf muxtəlif mıvzoon əcumlə ticarətədə 2 qılə kişvəri milli və aliyotaonku istifodə karde mali mıştərəkə sistemon, banki həmkarion ziyod karde və bo obodonəkə proyekton poliyə mənbəon təmin karde barədə sohbət kardəşone.

Nabiolina həm çı İroni təklif bıə planon çok hisobış karde və umidvar be ki 2 qılə kişvəri bankon miyono mıştərəkə poli və maliyə sistemon omə zəmonədə çımiku vey hevuj bıbu.

Bə tojə muğaviləon əsos jıqo bə nəticə omə ki koşınasiyə muzakirəon dəvom peydo bıkə.