Qəncə şəhri 7 qılə dindaronku bə zindon məhkum bən.

Azərbaycan Respublika məhkəmə dəvardə sori Aşura ruji Qəncə şəhri 7 qılə dindari bə ım şəhri polisi hucum karde itihamədə bə zindon məhkumış kardə.

Bə Rakors TV internetiyə mərkəzi xəbon əsosi Qəncə şəhri diniyə fəalonku qıleni  Firidon Zeynalob bə 3 sor həbs və 6 nəfər həm har qılə bə 1 sor nim  həbs məhkum bən.

Firidon Zeynalov Azərbaycan Respublika məhkəmə ım itihami rəd kardə və votəşe polis əy bə devləti zid aksiyaədə iştirak karde iyən  mıslmonon ibemonə hərəkatiku himoyə karde xoto dastqirış kardə.