Azərbaycan Respublikaədə bə terroriston komək kardəkəsonku 3 nəfər dastqir bən.

Azərbaycan Respublika əmniyyətiyə təşkilat zinə İŞİD terroristiyə qrupi maliyə ehtiyacon təmin kardeyu beynəlxalğə qrupi 3 qılə uzvi dastqir kardeku xəbəş do.

Bə Azərbaycan Respublika mediyaon nəğli əsosi "Comhoriye İslami" aqentəti xəbəş di çı məmləkəti 3 qılə şəhrvand İlğar Ağayev,Sahil İbrahimov və Namik Muhəmmədov suriyədə fəaliyət əkə İŞİD terroristiyə qrupi maliyə ehtiyacon təmin karde xoto dastqir  və bə məhkəmə doə hıkmi əsosi bə zindon şən.

Azərbaycan Respublikaədə  dastqir bə odəmon  milady 2017 minnə sori oktiyabrə manqiku mıxtəlif məmləkətonədə bıə terroristiyə qrupon uzvon tərəfo cəm kardə polon suriyədə İŞİD terroristiyə qrupi uzvonru vığandəşone.

Bə ım xəbə əsosi nom bardə bıə odəmon cəmi 500 həzo dollar suriyədə bıə terroristiyə  qruponru vığandəşone.