İroni məclisi nımayəndonku qıləy cəm bə Azərbaycan Respublika səfərışon kardə.

İroni islamiyə şura məclisədə bıə Qilan ostani nımayəndon de Azərbaycan Respublika ticari və mədəniyə əlağon inkişaf doe iyən sərhədiyə roon okarde məğsədi bə Boku səfərışon kardə.

İroni İslamiyə şura məclisədə Qilan ostani nımayəndon icma rəis Vəli Dadaşi zinə şanqo bə Boku səfər kardeku nav de telerədyo aqentəti votımonədə əlavəş karde İron və Azərbaycan Respublika cəmiyət mədəni,toyfəei,zıvon,siyasi və ixtisadi  çokə mınosibətışon heste və İron ə məmləkətiyu viza rejimı  ləğv kardeədə Ostoro sərhədiku be pul Azərbaycan Respublika şəhrvandon bə Qilan ostan səfər kardeyu şərayetış icod kardə.

İroni İslamiyə şura məclisədə bıə Ostoro nımayəndə və Qilan Ostani nımayəndon icma rəis Vəli Dadaşi eyne holədə bə Azərbaycan Respublika səfər karde məğsədış de Azərbaycan Respublika məclisi nımayəndon və osınəro şirkəti mudir muzakirə və Ostoro sərhədonədə jimon əkə əhaliyu de 45 kilometr məsafə şe-ome icod kardeş elan karde.

Dadaşi əlavəş karde Ostoro sərhədonədə sakin bə əhali de 45 kilometr məsafədə şe-ome kardeyu şərayet bərğəror karde tələb kardən ta çı şərayetiku 2 qılə məmləkət siyasi və mədəni həmmə cəhətdə inkişafonku istifadə bıkən.

Ostoro port Qilan ostani şimal ğərb hissədə ironi 3 minnə sərhəde ki əyo veyə şe-ome muşahidə bedə.

Ha sor təğribən 800 həzo ironıj və xariciyə musafir Ostoro sərhədiku şe ome kardən.