İron və Erməniston bə məhkəmə həmkarion inkişofi təkidışon karde.
Dec 29, 2018 11:32 Asia/Tehran
Ermənistonədə İroni səfir və Ermanistoni sər prokuror bə məhkəmə sahədə 2 tərəfi həmkarion inkişof doe təkid kardeşone.
Bə İroni tələbəon aqentiyəti(İsna) zinə raporti əsos İrəvanədə İroni səfir Seyed Kazım Səccadi de Ermənistoni sər prokuror Artor Davtiyan vindemonədə bə 2 qılə həmsoyə kişvəri prokuroron miyono həmkarion zumand bey zərurəti təkidış karde.
Ermənistoni prokuror ijən bə İron İslam Respublika ıştə tojə səfər və de İroni prokuror vindemon karde işorəş karde və votışe: Erməniston de İron vey zumandə məhkəmə və huğuğiyə rabitəon icud karde xoto cəhd kardedə.
İroni şimal ğərbədə şərği Azərbaycan və Ardəvili 2 qılə ostanon de Erməniston mıştərəkə mərzışone.
