Azərbaycan Respublikaədə 225 qılə tolışə məktəb ko kardedən!
Azərbaycan Respublika prezident aparati multikulturizm və ğovmi iyən dini koon mudir iddioş karde: ım kişvərədə 108 qılə məktəb Lezqi iyən 225 qılə məktəb Tolışə zıvoni təlim dodən.
Bə Riport sayti elani əsos Etibor Nəcəfov ijən iddioş karde ki 25 qılə rujnomə və nəşriyə de etnik qrupon zıvoni muntəşir bıdən ki əvoni komil karde xoto və de dıvlət budcə çandə Kırdi, Lezqi, Tolışi, Qorci, Rusi və Erməni bərnoməon həm Azərbaycan Respublika məhəli telerədionədə bo muxtəlif ğovm-qrupon pəxş bıdən.
Əv votışe: 300 qıləku vey Urusə məktəb həm dıvləti və ğeyri dıvləti mərkəzonədə Rusi zıvon yod və təlim dodən.
İlham Əliyev həm tojədən bə Rusiya 24 kanal votış be, kişvəri mıtləğ məktəbonədə Urusə zıvon təlim doə bıdə ki çəmə siyasət ım zıvoni oqəteye.
Etibar Nəcəfov ijən etink qrupon həx-huğuği cəhətədə iddioş karde ki 50 qılə təşkilat çı muxtəlifə ğovm-qrupon mədəniyəti erjon hifz karde xoto fəaliyət kardən.
Im curnə təbliğ və iddio qıləy şərayetədəy ki Tatə zıvoni kamilən məhv bey kənoədə qırd mədəni etink qrupon eksperton Azərbaycan Respublikaədə aassimilyasia siyasəti jentonədə iyən pantırekəti vositə bə məhəli mədəniyəti məhv bey təkid kardedən.
