Erməniston bə Azərbaycan Respublika sionist rejimi siloh həvate tənğidış ka.

Ermənistoni xarıci vəzarətxonə sıxənəvot votışe: məntəğədə silohinə mısobiğəon bino karde vey xətərnokə ko hisob bəbe.

Ana Nəğdavəliyan bə Azərbaycan Respublika sionist rejimi tərəf siloh həvote cərəyoni dəvom peydo karde barədə çı İroni həssas beyku xəbəş do və təkidış ka: ım prossesi təhdidon barədə Erməniston məntəğə və dınyo icmaonədə ğanuni etırazon təğib bəkay.

Tojədən xəbə ome İsrail rejim ijən bə Azərbaycan Respublika bepilotə təyyarəon həvate icozəş sadir karde. Çımiku bənav həm Azərbaycan Respublika mudafiə vəzarətxonə sionist rejimiku hərbi təchizat və silohon hıryəş be.

Azərbaycan Respublika və sionist rejimi miyono əloğəon muxtəlifə sahəon əcumlə tojə elmon, informassiya, texnoloqiya, varzış, ditəsərrufat, bə iflicon xidmət karde iyən bənə co baxşonədə həm dəvom kardedə.