İroni bə Amerkə strateji be ehtiyotəti ələyh kom cəvobış heste?

İroni barzə vəzifəynə əmniyyəti rəsmi bə Vaşinqtoni mumkinə be ehtiyotəti hərəkəton cəvob doeyro qıləy hartərəfinə plani hozzı beyış bəyon kardə.

Bə ın rəsmi votey əsos,ın ssenari bə İroni infrastrukturi hucum şomil bəbe.

İroni hərbi rəsmiyon çımi bənav çı İroni noməlum və istifodə nıbə imkononku hələm həm bəyon kardey nıbə qıləy kozır bey xəbərdorətiş kardəbe.

Hərbi analitikon ın məxfiyə imkonon reqiyonal əmniyyəti mıodilə i çəş bəyənde jey zəmonədə əvəz kardey zıneyku sıxan votedən.

Tehroni çəşnaviş doə ki,çəy cəvob tədbiron fəğət de AİŞ hərbi bazəon və bə işğal bıə əraziyon məhdud nibəbe.

israyili həyoti infrastrukturon,həmən çı AİŞ və çəy mıttəfiğon enerji obyekton həm çe hədəfi siyohiyədəy.

In barzə vəzifəynə rəsmi təkidış kardə ki,İroni boçımi kardero həm hərəkət kardey irodə və həmən dəğiğə texniki imkonış heste.

Analitikon hisob kardedən ki,İron de ın məxfiyə zu təbəğəon oşko kardey qıləy nuyə sıə xətt kəşeydə.

Tehroni həmçinin elonış kardə ki,çı dışmeni ehtiyotəti çe Amerkə ğurur iyən mifi oxo bə əməl bəvarde.