Bə Azərbaycan Respublika əleyh Amerkə əmniyyəti plan.

Azərbaycan Respublika mediyaon çı Amerkə milləti demokratiya onemoni bə ım kişvərədə ranqinə inğilabon plani hozzo karde iyən ixtişoşon dəvoniyə mıttəhəmışon karde.

Bə raporton əsos məvuji Amerkə cəhd kardedə ta ıştə senari de ixtişoş iyən ranqinə inğilabi əncom bıdə.

Raportədə təsdiğ bıə ki ım planədə çı Amerkə siyasəton icraəkə demokratiya beynəl xalğ hərəkati, demokratiya təhğiğon beynəl xalğ icma, riqan-faskık nomo bo demokratiyaro həmkarion onemonon iyən bə mediyaon koməkəkə beynəl xalğ təşkilat iyən mərkəzonin.

Sefra sayt həm qıləy xəbə vasitə çı Amerkə demokratiya milli təşkilati be tərəf bey barədə iddiyoon elan karde bəpeştə jıqo ğeydış karde ki ım cornə təşkilaton nə fəğət muxtəlifə kişvəron hətto Amerkə səçınədə həm mudaxilə kardedə.

Xəbəon jıqo hikayət kardedə ki Amerkə demokratiya milli təşkilat Azərbaycan Respublikadə de 4 milyon və 5 sa həzo dollar bodcə əv həm mədəni muğavimət hərəkati vasitə məsələn maliyə fəsod iyən Karospiya əleyh iştimai etırazon bino karde holədəy.

Sefra sayt ım təşkilati rəis Karıl  Qırşmani nığliku çı Amerkə demokratiya milləti onemoni əsliyə koon Amerkə CİA təşkilati siyasəton icra karde elanış ka.

Dəvardə soronədə Tırkiyə, Okrayn iyən tojədən Venesoela və Ermənistonədə hərəkəton və etırazon d Amerkə demokratiya milli onemoni vasitə hidayət və mudiriyət bıə.