Vaezi: Tehron-Boku miyono əloğəon vədə məhdudiyət iyən mane ni.

İroni prezident aparati rəis votışe: Tehron-Boku miyono əloğəon vədə məhdudiyət ya mane ni ijən həmkarion dəvom kardedə.

Bə İrna raporti əsos, İroni prezident aparati rəis Məhmud vaezi zinə Rəşt-Ğəzvin osonə ro bə istismor rəse iyən Rəşt-Ostoro reyls xətti soxte plani bino karde mərasımi kənoədə de Azərbaycan Respublika iğtisod vəzir Şahin Mustafayev vindımon karde votışe: ımruj çı İron və Azərbaycan Respublika əloğəonədə vey muhimmə ruj hisob bıdə.

İroni prezident aparati rəis əlovəş karde: Rəşt-Ğəzvin osonə ro bə istismor rəse iyən Rəşt-Ostoro reyls xətti soxte plani bino karde 2qılə kişvəri ticarət iyən iğtisod əloğəonədə vey təsirış bəbe.

İroni prezident Həsən Ruhani bə Qilan səfər karde Rəşt-Ğəzvin osonə ro bə istismor rəse iyən Rəşt-Ostoro reyls xətti soxte plani bino karde bəkəno ım ostanədə 60 qılə plan və poryekti rəsmən bə istismorış rosniye.