Ruhani:Tehron və Boku əlağon mıxtəlif sahonədə bə inkişafi tərəfe.

İron İslam Respublika prezdent mıxtəlif baxşonədə Tehron və Boku əlağonış bə inkişafi tərəf zınə və nakonəsə ve 2 tərəfə həmkarətion inkişaf doe həxədə həm işarəş karde.

Həsən Ruhani zinə tehronədə Azərbaycan Respublika xarici koon vəzir Elmar Muhəmmədyarevi vindımonədə 2 qılə məmləkəti miyonədə rabiton inkişaf iyən icod bə mısbətə hərəkətonku rozi mande və votışe:ironi məsul şəxson iradə nakonəsə ve həmmə cəhətonədə de Azərbaycan Respublika əlağon inkişaf doey.

prezdent Ruhani votışe:İron və Azərbaycan Respublika həmkarətiədə muhimə planon icra be holədən və əlavəş karde Rəşt-Ostoro osınəro plan həm məntəğədə muhimmə ğədəme iyən 2 qılə milləti faydon cəhətdəy və omidvarimon çəy icra be əməliyat ve rəv təşkil bıbo.

İron İslam Respublika prezdenti votışe:Tehron və Boku məntəğə və beynəlxalğə məsəlonədə həmmişə həxi bərpo kardeyu sulh və oroməti domoədən və votışe:İron,Azərbaycan Respublika və Rusiyə  3 tərəfə həmkarətion zuman kardeyu  cəhdon zəruriy.

Azərbaycan Respublika xarici koon vəzir Elmar Muhəmmədyarev həm ım vindımonədə votışe: Tehron-Boku siyasi,ixtisadi,mədəni və ictimaiyəti əlağon inkişaf doe roədə heç qılə mane ni və əlavəş karde Rəşt-Ostoro mıştərəkə osınə ro  plani soxte,məntəğədə muhim və stratejikə planonkuy.