Noruzqoh, çı İron və Tırkəmənistoni milləton miyono sulhi mesaj.

İroni turizm, nəcimə sənaye və mədəniyə irson təşkilati yol Nəvuzə idi mehrəbançiyəti, həmdıləti, bə tale umidvar bey iyən səy və cəhdon peyğomi pevloəkə zınəş be.

Bə İrib raporti əsos İron və Tırkəmənistoni miyono Noruzqoh mədəniyə vırə ojimoni mərasimədə Əli Əsğər Munesan votışe: nəvuzə id dinon, ğovmon iyən ailəon miyono sulh və dustiyəti bə kəno bə zəmin iyən təbiət ehtırom karde mənodəy ki çəy bərəkəton bə yod vardedə.

Əv bə 30 kişvərədə 300 milyon nəfər nezi nəvuzə idi dəvoniye işorəş karde iyən mədəni əloğəon barədə İron və Tırkəmənistoni miyono həmkarionış 2 qılə məmlekəti kanə-ğədimi tarixi çımiku vey zınə amil hisobış karde.

İron və Tırkəmənistoni miyono Noruzqoh mədəniyə mərkəz İroni Xorasan ostani Bacqiran sərhəd məntəğədə oj bıə.

Martə manqi 21, İron və kali farsi zıvoni rişəşon bıə kişvəronku bə kəno və İ Bıə Milləton Təşkilatədə həm nəvuz beynəl xalğ ruj ğeyd bıə.