Vaşinqton çı Paşinyani anti Amerkə nəzəronku norohəte.

Ermənistoni i minə vəziri anti Amerkə nəzəron İrəvan-Vaşinqtoni əloğəonədə tojə bıhranon bois be.

Bə Erməni rədio raporti əsos, Past nomo bıə Erməni rujnomə bə Amerkə siyasətonku Nikol Paşinyani niqəranion işorəş karde iyən ıştə tojə məğalədə ğeydış ka: Amerkə rəsmi şəxson çı Vaşinqtoni i tərəfə siyasəton  barədə Ermənistoni i minə vəziri tərəfo bəyon bıə sohbətonku vey əsəbin və ğeyzin bıən; Nikol Paşinyan ıştə tojə mısohibədə bə Russiyə mediyaon məntəğədə çı Amerkə siyasəton tənğidış karde.

Past rujnomə məğalədə təkid be: Amerkə pidəşe de tojə stratejik həmkari təklifon Ermənistoni i minə vəziri 2 qılə royədə ğəror bıdə ki əqə Nikol Paşiniyan əvoni rəd bıko Amerkə tərəfo bənə Russiyə amil hisob bəbe.

Im Erməni rujnomə ijən koşınason nəğliku dərcış karde ki Paşiniyan de viyə ehtımali Amerkə doə vədəon rəd bəkay.