Pars Today

Xəbə əvəzi xiyol; İroni vositə Amerkə vıjnımonədə ğalməğal icod kardey və Trampi terrori barədə Nyu-York taymzi pesoxtə xəbəon

Pars Tudey- Amerkə qıləy xəbə, həğiğiyə sənədon diğğət doey əvəzi, təhrikinə ədəbiyotiku istifodə kardə.

Nyu-York taymz qəzet qıləy raportədə de (Trum Is Briefed on Iranian Assassination) – Tramp İronıjon terror təhdidonış zıni)

2024 minə sori sentyabri 24 minə ruji torixədə (Kris Kameron)-i nıvışte, Trampi kampaniya iddiyo barədə bəhs bardə ki, iddiyo kardə, İron Amerkə navnə prezdentış de terror təhdidış kardə.

Bə Pars Tudey raporti əsos, ın raport oşkoə surətədə bo vıjnımoni ğalməğali icod karde cəhətdə de qıləy təhdidi nomi İroni nomiku bo qıləy səsomon doə cəhdi nışon doydə.

In raportdə iddiyoni de ironi vositə (Donald Tramp) terror qıləy kardeyo elon bəy, əmmo bo ın iddiyo subut kardeyo hiç məlum bıə sənədi nışon doydə nin. Jığo rəvoyəton nə inki, Beynəl_Xəlğ səviyədə əncom be və xəylion əy vindedən, bəlkəm siyosi nəzəku bə nəzə rəsedə Amerkə vıjnımoni astanədə diğğəton cəlb kardey və həyəcon icod kardey hədəfi çəy kəşə plan bıəy.

Raport curi nıvıştə bəbı ki, jığo bızın İroni tərəfiku qıləy dıjd və təhlukəynə hiləye ki, hol hozırədə Amerkə təhdid kardedə, əmmo bo ın iddiyon himoyədə hiç rozi bıkə şoyd bə çi ya qədə məlumat həm elon bedə ni. Məxsusən, ın iddiyo bıə təhdidon və co qılə hodisəon ki, de Trampi əmniyyət bə vucud omə bı, miyono məlum nıbə rabitəon de noməlum bıə sənədi şiddətinə surətədə sıvol icod kardə.

In xəbə sənəd nışon doey əvəzi sırfən kulliyə surətədə iyən təhrikinə ədəbiyotiku istifodə kardə. Jığo raport bəzne bo Amerkə daxiyliyə ocizəti niyon kardey və bo israyil iyən Ukrayna siloh istihsol kardə zəvodon Amerkəvıjon maliyati doey həğiğiyə məsələonku umumiyə fikon bə kəno bardey və umumiyə tarsiku bəhrə peqəteyo bəzne qıləy siyosiyə stərateji bıbo.

Tənğidi muhimmə nuktəonku, nosəhihə kəşfiyati pevolo kardey və məlumaton hək kardey barədə bə İroni ələyh ittıhamon elon kardeye ki, ijən de noməlum səndon bəyon bəy. Oxoysə, jığo raporton nəyinki bə Amerkə xarici siyosəti və əmniyyəti foydə ni bəlkəm Amerkəvıjon milli təhğir bıey və medyaon beetıborəti ziyod kardə.