Ğudsı konfrans Bokuədə bərpo be.
"şərifə Ğuds və islam dınyo" nomo bıə konfrans de Ğudsı beynəlxalğə ruji mınosibəti,Azərbaycan Respublika paytəxt Boku şəhrədə bərpo be.
Azərbaycan Respublika siyasi,ictimaiyət,mədəni və mediyaiyə məsul şəxson iyən fəalonku qıləy cəm zinə Ğudsı konfransədə "əsri muğavilə" nomo bıə Amerkaiyə plani məhkom kardeədə,Fələstinı məzlumə milləti həx və çəvon hədəfonku mudafiyə karde iyən Ğuds və Fələstinı coqlə məntəğon ozodəti barədə işarəşon karde.
Boku şəhrədə Şərifə Ğuds və islam dınyo nomo bıə konfransədə iştirak kardəkəson Ğudsı beynəlxalğə rujışon islam dınyo vəhdət iyən bə islami zumandəti bois bə rujışon zınə.
Azərbaycan Respublika islam partiya muavin hoci İlham Əliyev ım konfransədə Amerkə.işğalqərə sionist rejimiku himoyə karde siyasətonku tənğidış karde və votışe:Amerkə ısət çı xərçənq noxəşətiku ıştə himoyəonış oşko kardə və ım siyasət nışon dodə ki Amerkə devlət bə məğlubiyəti tərəf şedə və muğavimət həmmə problemon vədə səbarz bəbe.
Azərbaycan Respublikaədə İron İslam Respublika səforətxonə mədəniyə məsul şəxs Əsğər Farsi həm şərifə Ğudsı konfransədə Ğuds rujış islam dınyo vəhdətiyu muhimmə rujış zınə və islamiyə məmləkətonku tələbış karde Fələstinı millətiku himoyə bıkən iyən Şərifə Ğudsı ozodətiyu cəhd nışon bıdən.
Ğudsı beynəlxalğə ruji aksiya ımruj mayə manqi 31 minnə ruji İron və dınyo xəyli məmləkətonədə bərpo be.
