Amerkəvıjə Ermənion: Ğərəboğədə məhdudiyəton bəpe ləğv bıbu.

Amerkə Ermənion ım kişvəri vəziriku yəni Mayk Pompeoku tələb kardışone ki Ğərəboğ məntəğədə bıə məhdudiyəton ləğv bıkon.

Bə Erməni rədio raporti əsos Amerkə Ermənion milli kamissiya ım məktobədə Amerkə xarıci vəziriku pidəşon be rəsmi şəxson bə ım məntəğə səfər karde iyən Ğərəboği xarıci əloğəon barədə bıə məhdudiyəton rə ləğv bıbun.

Im məktobədə Amerkə və Ğərəboği muzakirəon xoto Azərbaycan Respublika lobion cəhd məhkum bıə və ğeyd be: Boku pidəş Ğərəboğədə sulh və stabiləti nıbu.

Amerkə Ermənion təkid kardışone ki Ğərəboğ bəpe bənə əsliyə tərəf ehtımaliyə muzakirəonədə iştirok doe bıbu.

Im məktob qıləy şərayetədə vığande bıə ki Erməniston və Azərbaycan Respublika vəziron ome haftə Vaşenqtonədə de yande vindemon və muxtəlif mıvzoon barədə suhbət bəkan.

Ğərəboği məntəğə barədə Erməniston və Azərbaycan Respublika konfilikt 1988-nə sorədə bino bıə iyən 1992-nə sorədə bənə hərbiyə dave əvəz be.

Avropa həmkari və əmniyyət təşkilat Minsk qrup vositəçiyəti Ğərəboği konfilikt həl kardeyro hiç foydə nıbıə.