Kollektiv əmniyyəti təşkilotədə Ermənistoni uzviyəti oqətey
Ermənistoni iminnə vəzir elonış kardə ki Kollektiv əmniyyəti peymoni təşkilotədə ım kişvəri uzviyət oqətə bıə.
Bə Səhab şəbəkə Erməni kanali raporti əsos, Ermənistoni beynəlxalğə iclosədə Ermənistoni iminnə vəzir, Paşiniyan votışe: bə ım illət ki Ermənistoni həxədə, kollektiv əmniyəti peymoni təşkilot, bəştə mıdofiə təəhudaton əməl kardəş ni, əmə həm ışttə həmkoəti oqətəmone.
Ermənistoni iminnə vəzir ijən dəvomış do: ım təşkilot, Ermənistoni kişvəri əmniyyət, hakımiyət və mevcudiyəti təhdid kardedə.
Paşiniyan ijən de ım təşkiloti həmkoəti dəvomi barədə votışe: əmə fəğət qıləy zəmonədə ıştə həmkoəti bino bəkamon ki bə bəyon bıə soalon təyin bıə cəvobon doə bəbe.
Ermənistoni iminnə vəzir ijən dəvardə manqonədə bə Tırkiyə və Erməni rəsmi şəxson votımonon həm işorəş kardə.
