İron və Ermənistoni miyono əloğəon inkişof.

Ermənistoni i minə vəziri muavin votışe: İron və Ermənistoni miyono enerji, turizm, nəğliyot, tranzit və sənaye sahədə həmkarion hevuj bəbe.

Bə İrib raporti əsos Mehr Qeri Qoriyan Tehronədə bıə İron və Ermənistoni miyono həmkarion 16-ə mıştərik kamissiya iclosədə təkidış karde: Avrasiya i bemoni çərçivədə muğaviləon icra bey karde bəzne iğtisadi-ticari əloğəon inkişofi bois bıbu.

Həminə iclosi oxoyədə çand qılə həmkarion muğaviləon xusosi enerji sahədə imzo bıə.

İroni enerji vəzir Rıza Ərdekaniyan təkidış karde: İron Ermənistonədə bərğ ya həmonə elektrik stansiyaon detosə ome sori bəsoxte.

Ov və ekoloqiya baxşonədə həm həmkari muğaviləon imzo bıə.

Ərdıkaniyan votışe: İron pidəşe de məntəğə və dınyo kişvəron həmkarion inkişofin bıbu çən bəpe nənə Erməniston və İroni miyono bıə ticari və iğtisodi zərfiyətonku istifodə kəmon.

Tehronədə İron və Ermənistoni miyono iğtisadi əloğəon 16-nə iclos zinə sə be.