S400 rəket mudafiə sistemi i minə bo bə Tırkiyə varid be.
Zinə çı Rusiyə S400 rəket mudafiə sistemi i minə bo bə Tırkiyə varid be.
Bə təsnim aqentiyəti raporti əsos Tırkiyə mudafiə vəzarətxonə elanış karde ki ım prosses ım haftə həm dəvom bəkarde.
Tırkiyə mudafiə vəzarətxonə bəyaniyədə ğeyd bıə ki rəket mudafiə sistemi kamilən təhvil qəte bəpeştə həm çəyku istifodə karde bino bəbe.
Tırkiyə prezident Rəcəb Təyyeb Ərdoğan tojədən jurnaliston cəmədə təkidış kardə bə Tırkiyə ıştə əmniyyəti təmin karde xoto Rusiyəku S400 rəket mudafiə kompeleksi hıryedə və əqə Ankara deşmənon tərəfo təhdid bıbu boçiku istifodə bəkarde.
Im sistemi hırye ısət Amerkə norohəti və ğqyzin bey bois bıə, anədə ki Vaşenqton elanış karde ki əqə Rusiyə S400 mudafiə sistem Tırkiyə tərəfo hıryə bıbu Amerkə həm F35 hərbi təyyarəon bə Ankara həvateku imtinoe bəkay iyən anti Tırkiyə qıvoninə sanksiyaon təsdiğ bəbe.
