Bə Hoci Ğasım Suleymoni xotırə həsr bıə İron-Rusiya Mənəvi İbemoni Mərosim

Rusiyədə çe İroni Ğuds Ğıvvon sabiğ komandan,şəhid Hoci Ğasım Suleymoni xotırə həsr bıə"İron iyən Rusiya xalğon mənəvi vəhdəti" nomo mərosim bərpo bıə.

Bə Tolışi Kanali oə məlumoti əsos,çe Hoci Ğasım Suleymoni şəhid bey şəşminə sorəqrdışi ərəfədə və de Umumrusiya Xalğ İbemoni təşəbbısi Moskvadə çe Rusiya iştimoyi,siyosi və dini onemonon nımoyəndəon,həmən de çandə qılə co kişfəron omə mehmonon iştiroki"İron iyən Rusiya xalğon mənəvi ibemoni”mərosim dəvordıney bıə.

Rusiya ROS partiy rəhbər Serqey Nikolayeviç Baburin,çe İroni Rusiyadə bıə səlohiyyətinə səfir Kazım Cəlali və çe Rusiya Tolışon İnkişof Mərkəzi rəhbər İsmoyl Şəbanov bın mərosimədə iştirok kardə şəxson miyono bıən.