İron və Avrasiya miyono ticarət tarifon qədə qədə ləğv bəbe.

İroni xarıci vəziri iğtisodi muavin bə Erməniston İroni prezidentəti səfəri həmzəman İron və Avrasiya təşkilati miyono əv həm bəzi baxşonədə ticarət tarifon ləğv beyku xəbəş do.

Ğolamrıza Ənsari bə İron və Avrasiya miyono bıə muğaviləon işorəş karde və votışe: tarifon ləğv bey 800 qılə məhsoli şomil bıdə.

İroni xarıci vəziri iğtisodi muavin təkidış karde ki de ım ğəroli, İron və Avrasiya ittifoği miyono həmkari və iğtisodi əloğəon ve bəbe.

İjən Ənsari təkidış karde ki prezident Ruhani səfər bə Erməniston vey muhimmə səfər hisob bıdə boçi ki çandə kişvəron rəsmi şəxson iştirok karde bəzne bo məntəğə həmkarion erjin və çok bıbu.

İroni prezident Həsən Ruhani de Nikol Paşiniyani rəsmi dəvəti bərobər, Avrasiya iğtisodi iclosədə iştirok karde xoto ımruj bə Erməniston səfər bəkay.