Ərdoğan bə Suriyədə Tırkiyə tələfoti etırofış karde.

Tırkiyə prezident bə Suriyə İdleb ostanədə ım kişvəri hərbi tələfot işorəş karde və votışe: əmə Suriyə İdlebədə vey con iyən mali cəhəto xəsorət və tələfot domone.

Bə Tırkiyə Anadoli raporti əsos Tırkiyə prezident bə Tırkiyə iyən Rusiyə miyono çokə rabitəon işorəş karde və votışe: əqə Rusiyə və Tırkiyə miyono bıə muğavilə kamilən icra bıbu, Suriyədə stabil şərayet icod bəbe.

Ərdoğani jıqonə etırafon qıləy şərayetədəy ki bə dəvardə haftə xəbəon əsos, Suriyədə Tırkiyə hərbi təcavuz Ankara ərtışi dastədə bə sa nəfər nezi Əsqər iyən hərbiçiyon həlokəti noeşone; qıləy həğiğət ki Tırkiyə ısət bəy etırof kardedə.

Əmmo Suriyə hərbi muvəffəğ əməliyaton ki dəvardə haftəonədə İdlebədə əncom be İdleb, Həmah və Hələb ostanonədə 276 qılə di və məntəğə ozodəti bois be.

Im əməliyatonədə həzo nəfəriku vey terrorist həm həlok bıdən.

Suriyə ərtış rəsmən elanış karde ki İdlebədə harcurnə ğeyri ğanuni hərəkət ya xot terroriston tərəfo otəş basti ləğv karde de Suriyə hərbiçiyon iyən qıvoninə ətəşi dim bə dim bəbe.

Xəbə ome ki zinə şəv həm Suriyə rəket mudafiə sistem Lazeğiyədə 2 qılə bepilotə təcavuzkarə təyyarə məhvış karde.