Erməniston və sionist rejimi miyono əloğəon normal bey barədə İroni nota.

İroni islamiyə şura parlamentədə bıə Fələstini intifozəku himoyəkə beynəlxalğ icma rəis Telavivədə Ermənistoni səfarətxonə oj bey barədə muntəşir bıə xəbəonku ıştə təəcubi bəyonış karde və votışe: Erməniston bəpe ıştə ım ğərolədə ijən diyə kə.

Husein Əmir Əbdullahiyan zinə şəv çı Ermənistoni ım ğərol məhkumış karde və təkidış ka: Ermənistoni dıvlət jıqonə ğərolon əvəzi bəpe bə Fələstinıjə avarəon və məzluə şəhrvandon komək karde xoto lozimə tədbironış bıbu.

Əv votışe: Ermənistoni ım ğərol de Fələstin milləti mənafe həmohənq ni və məntəğədə no oromə şərayeti şiddətin kardedə.

İroni islamiyə şura parlamentədə bıə Fələstini intifozəku himoyəkə beynəl xalğ icmae rəis bə sionist rejimi xəbisə hərəkəton Fələstin ərazi işğali dəvom doe işorə və təkidış karde: jıqonə təcavuz və ım rejimi tərəfo tojə ərazi işğal hukmən məntəğə noəmn kardedə və fəğət sionist rejimi ziyod tələbion nışonəy.

Əmir Əbdullahiyan çı Tehron və İrəvani miyono dustanə əloğəonış bo məntəğə stabiləti və əmniyyətiro lazim zınəş be və əlovəş karde: bə İroni nəzə və təklifi əsos Fələstinədə sakinon bəpe ıştə sərneveşti təyin kon və məsihi, mısılmon iyən yəhudiyon ım sərzəminədə tale mıəyyən karde həxışone.