Fələstin işğali əraziədə Ermənistoni səfarətxonə oj bey barədə İroni notaon.

İrəvanədə İroni səfir İsrailədə Ermənistoni səfarətxonə oj bey barədə İroni niqərani və notaon bəyonış karde.

Bə İroni Erməni rədio raporti əsos, Əbbas Bədəxşan Zohori votışe: sionist rejimi mahiyət və zot coəti iyən təfrəğə eğandeye və hukmən bə İron- Ermənistoni miyono bıə əloğəon zərbə varid kardero ıştə xəbisə planiku dast əkəş ni.

İroni səfir əlovəş karde: Fələstin işğaliyə əraziədə Ermənistoni səfarətxonə oj bey İron və Ermənistoni əloğə və rabitəonədə təhdid hisob bıdə çən çəmə tərəfo Tehroni çoko movğiyət qəte və niqəranion bə Ermənistoni dıvlət elan bıə.

Bədəxşan Zohori təkidış karde ki İron və hamsuyə kişvəron əloğəonədə problem eğande çı sionist rejimi ğəti siyasəte çən həmonə həmkari və rabitəon oqəte fikədəmon.

Tojədən Ermənistoni dıvlət, İsrailədə ıştə səfarətxonə oj bey barədə xəbə doeş be.